འདི་ཟླའི་ཚེས་ཉེར་དྲུག་ནས་བརྩམས་ཏེ་དཔལ་ས་སྐྱ་ཕུན་ཚོགས་ཕོ་བྲང་གི་བདག་མོ་སྐུ་ཞབས་འཇམ་དབྱངས་དཔལ་མོ་མཆོག་ཕྱག་རོགས་བདག་མོ་ཕེ་སྒེ་དང་ཆོས་ཚོགས་པ་ཨ་ཞི་ལི་གཉིས་དང་ལྷན་འདི་ག་ཨ་རི་ནས་རྒྱ་གར་དང་འབྲུག་ཡུལ་དུ་ཕེབ་ཞོར་ཧོང་ཀོང་དུ་ཕེབས་པ་དང་། ཧོང་ཀོང་གནམ་ཐང་ནས་ཉིད་ཀྱི་སློབ་མ་ཁག་ཅིག་གིས་ཕེབ་བསུ་ཞུས་ཏེ་ས་སྐྱ་བརྩེ་ཆེན་ཕུན་ཚོགས་ཆོས་གླིང་ཞེས་པའི་ཆོས་ཚོགས་གསར་བར་ཕེབས་ནས་དེ་གའི་ཚོགས་མི་ཚོར་མཇལ་འཕྲད་གནང་ཞིང་། དེ་མུར་ཐུབ་པའི་དབང་པོའི་སྐུ་བསྟོད་དང་འབྲེལ་བའི་བཀའ་ཆོས་ཉུང་བསྡུས་ཤིག་བསྩལ་རྗེས་ས་སྐྱ་ཕུན་ཚོགས་ཕོ་བྲང་གི་ལས་དོན་ཁག་ལ་གོ་བསྡུར་གནང་། དེ་རྗེས་རྒྱ་བླ་མ་ཀན་ཙོའི་ཆོས་ཚོགས་མཧྰ་སིདྡྷ་ཡོ་ག་ཆོས་ཚོགས་སུ་ཡང་ཕེབས་བསྐྱོད་གནང་།
ཉིན་རྗེས་མར་ས་སྐྱ་བརྩེ་ཆེན་ཕུན་ཚོགས་ཆོས་གླིང་ལ་ཞལ་འདེབས་འབུལ་མཁན་གྱི་གྲས་རྒྱ་མོ་དབྱངས་ཅན་མར་མཇལ་འཕྲད་གནང་། དེ་བཞིན་དགོང་དྲོར་རྒྱ་བླ་མའི་ཆོས་ཚོགས་སུ་ཚོགས་འཁོར་གྱི་དགའ་སྟོན་ཡང་འབུལ་གནང་མཛད།
རྩོམ་སྒྲིག་པ་སྤྲུལ་སྐུ་ཡེ་ཤེས།